අයිලයේ පොප්ලර් ගස් දෙකක් ළඟ
පුංචි මඩුවක ‘ඉස්කෝලයක්’
අල්තීනායි!
මායිම් ගමක් වී හෙම්බත්ව
නුවරක් නොවුණු සේරුනුවර
අරුණ දර්ශන!
දිසාපාමොක්ලා නොවන්නට
වන මල් වනේ මිය යාය!
උරාගෙන දැනුමෙහි ම හොඳ හරිය
වසා වැජඹී – අරා හිඳ ලොකු පුටුව
මූසිලව පරපුරක් වැඩී පිළිලයක් ලෙස
නිමා කරනුය කෙලෙස දෙව්දතුන් බව ගමන
‘එරෙහි විය යුතුය තව තවත්
කප කපා පඩි පතින් කොටසක්
හෙලා මැඩ බැටන් පොල්ලක්
අධිපීඩනෙන් වතුර පාරක් !’
නූගත් ලෙසින් ගුරුන් ගෙන් ශිල්ප
කට මැත දොඩා මහ සභා ඉදිරිව
දියවන්නාවේ ම දියකර ජීවිතය
බොල් කරල් වී ඉපිල්ලෙන අපූරුව.
නයනශාන්ති දිසානායක
ශ්‍රී ලංකාව -කිරිඳිවැල
Facebook Comments Box
