සිසිල් සුළං පහස රැගෙන දිනිඳු රැස් ගලා
සරන පුළුන් වළා සෙමෙන් ඇදෙන දෙස බලා
පිපෙන තඹර මල් රුසිරෙන් සතුට ඉතිරිලා
නිසල සිතුම් සසල කළේ බඹරු පියඹලා
පියා සලන විට මල් වට එදෙස බල බලා
දෙනෙත් සවන් මුසපත් වී අතරෙ සුදු වළා
අඹරෙ සරයි විනිවිද යයි පහස රස ගුලා
ඈත අනන්තේ පියඹා දිළෙයි තනි වෙලා
දිනිඳු බැස ගොසින් සඳ නැග සයනෙ වැතිරිලා
ලෙලෙන සිහින ලොව සරමින් දෙව් දුවක් වෙලා
සොයන බඹර සර නෙත් දැක මල් රේණු තලා
කඳුළු ගඟ ගලයි සෝ ගී රාවයක් වෙලා
ඩී.අමරසිරි ගුණවර්ධන – ඕක්ලන්ඩ්
Facebook Comments Box
